ویمن ٹی ٹوئنٹی ٹرائی سیریز: پاکستان کو ویسٹ انڈیز کے ہاتھوں 25 رنز سے شکست

ڈبلن ( سپورٹس ڈیسک) ویمن ٹی ٹوئنٹی ٹرائی سیریز کے پہلے میچ میں پاکستان ویمن کرکٹ ٹیم کو ویسٹ انڈیز کے ہاتھوں 25 رنز سے شکست کا سامنا کرنا پڑا۔کاسل ایونیو گراؤنڈ میں کھیلے گئے میچ میں ویسٹ انڈیز نے پہلے بیٹنگ کرتے ہوئے 199 رنز بنائے۔ ٹیم کی جانب سے کپتان ہیلی میتھیوز نے 40 رنز کی اننگز کھیل کر مضبوط آغاز فراہم کیا۔اسٹافنی ٹیلر نے 39 رنز جبکہ جانیلا گلاسگو نے 42 رنز کی شاندار اننگز کھیل کر اپنی ٹیم کے مجموعے کو مستحکم کیا۔200 رنز کے ہدف کے تعاقب میں پاکستان ویمن ٹیم کا آغاز اچھا نہ رہا اور ابتدائی بلے باز جلد آؤٹ ہو گئیں۔ پاکستان نے 52 رنز پر اپنی چار وکٹیں گنوا دیں۔منیبہ علی 2 اور گل فیروزہ 4 رنز بنا سکیں جبکہ بعد میں آنے والی کھلاڑی بھی زیادہ دیر وکٹ پر نہ ٹھہر سکیں۔پاکستان کی جانب سے سائرہ جبین نے 30 رنز اور عالیہ ریاض نے 37 رنز کی مزاحمتی اننگز کھیلی جبکہ کپتان فاطمہ ثنا نے 27 رنز بنائے۔پاکستان ویمن ٹیم مقررہ 20 اوورز میں 8 وکٹوں کے نقصان پر 174 رنز بنا سکی اور یوں اسے 25 رنز سے شکست کا سامنا کرنا پڑا۔پاکستان اپنا اگلا میچ 31 مئی کو میزبان ٹیم آئرلینڈ کے خلاف کھیلے گی۔