کراچی( شوبز ڈیسک) پاکستانی یوٹیوبر اور کاروباری شخصیت معاز صفدر کو 10 محرم الحرام (یوم عاشورہ) سے متعلق اپنے ایک بیان کے بعد سوشل میڈیا پر شدید ردعمل کا سامنا ہے۔سوشل میڈیا پر وائرل ہونے والی ایک ویڈیو کلپ میں دیے گئے بیان پر شیعہ برادری سے تعلق رکھنے والے متعدد صارفین نے ناراضی کا اظہار کیا اور اسے مذہبی جذبات کو متاثر کرنے والا قرار دیا۔صارفین نے معاز صفدر کے بیان پر تنقید کرتے ہوئے کہا کہ مذہبی معاملات سے متعلق گفتگو میں احتیاط اور حساسیت کا مظاہرہ کرنا چاہیے۔تاہم اس معاملے پر معاز صفدر کی جانب سے وضاحت یا ردعمل سامنے نہیں آیا۔ سوشل میڈیا پر جاری بحث کے باعث یہ موضوع صارفین کی توجہ کا مرکز بنا ہوا ہے۔
