لاس اینجلس( شو بز ڈیسک) دنیا کے امیر ترین افراد میں شمار ہونے والے معروف کاروباری شخصیت اور ٹیسلا و اسپیس ایکس کے مالک ایلون مسک نے سیاست اور ٹیکنالوجی کے بعد اب فلمی دنیا میں بھی قدم رکھنے کی تیاری شروع کر دی ہے۔امریکی ذرائع ابلاغ کے مطابق ایلون مسک نے تفریحی شعبے سے وابستہ کمپنی اسکائی ڈانس میں تقریباً ایک ارب ڈالر کی سرمایہ کاری کی ہے، جس کے بعد ہالی ووڈ میں ان کے بڑھتے ہوئے اثرورسوخ کے حوالے سے نئی بحث شروع ہو گئی ہے۔مصنوعی ذہانت سے فلم سازی کا تجربہایلون مسک کی مصنوعی ذہانت پر مبنی ویڈیو بنانے والی ٹیکنالوجی گروک امیجن کے ذریعے یونانی داستان دی اوڈیسی پر مبنی 7 منٹ کی ایک فلم بھی تیار کی گئی ہے۔ تاہم اس فلم کے معیار کو سوشل میڈیا صارفین کی جانب سے تنقید کا سامنا کرنا پڑا۔ماہرین کا کہنا ہے کہ ایلون مسک کی ہالی ووڈ میں بڑھتی ہوئی دلچسپی کے پیچھے مصنوعی ذہانت کی صلاحیتوں کو دنیا کے سامنے پیش کرنے، کاروباری منافع حاصل کرنے اور ثقافتی شعبے میں اپنا اثرورسوخ بڑھانے جیسے مقاصد کارفرما ہو سکتے ہیں۔