کراچی (شوبز ڈیسک) پاکستانی شوبز انڈسٹری کے معروف اداکار گوہر رشید نے خواتین کی ظاہری شکل و صورت اور جسمانی ساخت کا مذاق اڑانے والوں کو سخت تنقید کا نشانہ بناتے ہوئے ایسے رویوں کی مخالفت کی ہے۔اداکار نے سماجی رابطے کے پلیٹ فارم پر جاری اپنے پیغام میں خواتین کے لیے توہین آمیز زبان استعمال کرنے اور ان کی ظاہری شخصیت کی بنیاد پر انہیں تنقید کا نشانہ بنانے کے عمل کو نامناسب قرار دیا۔گوہر رشید نے خواتین کی تضحیک کے خلاف آواز بلند کرتے ہوئے معاشرے میں ایسے رویوں کی حوصلہ شکنی پر زور دیا، جس پر شوبز شخصیات اور مداحوں کی جانب سے انہیں بھرپور پذیرائی مل رہی ہے۔اداکار کی اہلیہ اور معروف اداکارہ کبریٰ خان نے بھی ان کے مؤقف کی حمایت کرتے ہوئے فخر کا اظہار کیا، جبکہ اداکار بلال عباس خان نے بھی محبت بھرے انداز میں ردعمل دیا۔گوہر رشید کے پیغام کو سماجی ذرائع ابلاغ پر سراہا جا رہا ہے اور صارفین خواتین کی جسمانی ساخت پر طنز و تمسخر کے خاتمے کی حمایت کر رہے ہیں۔اس حوالے سے ایک خاتون مداح نے اپنا تجربہ بیان کرتے ہوئے بتایا کہ ماضی میں انہیں موٹاپے کی وجہ سے طنز و تضحیک کا سامنا کرنا پڑتا تھا، تاہم اب وہ اپنی جسمانی ساخت کو اعتماد کے ساتھ قبول کرتی ہیں۔
خواتین کی تضحیک کے خلاف گوہر رشید کا سخت مؤقف، کبریٰ خان بھی ہم آواز
واپس خبروں پر
Category:
تفریح