کراچی ( کامرس ڈیسک)عالمی اور مقامی صرافہ بازاروں میں سونے اور چاندی کی قیمتوں میں اضافہ ریکارڈ کیا گیا ہے۔آل صرافہ مارکیٹ اینڈ جیولرز ایسوسی ایشن کے مطابق 24 قیراط فی تولہ سونے کی قیمت 800 روپے اضافے کے بعد 4 لاکھ 57 ہزار 336 روپے ہوگئی، جبکہ 10 گرام سونے کا بھاؤ 685 روپے بڑھ کر 3 لاکھ 92 ہزار 91 روپے پر پہنچ گیا۔24 قیراط فی تولہ چاندی کی قیمت میں بھی 77 روپے کا اضافہ ہوا، جس کے بعد نئی قیمت 6 ہزار 903 روپے ہوگئی۔دوسری جانب عالمی منڈی میں فی اونس سونے کی قیمت 8 ڈالر اضافے سے 4 ہزار 349 ڈالر کی سطح پر پہنچ گئی۔
