کراچی (شوبز ڈیسک) معروف ٹی وی میزبان اقرار الحسن نے اپنی تیسری اہلیہ اور سوشل میڈیا انفلوئنسر عروسہ خان کو شادی کی تیسری سالگرہ سے قبل مہنگا تحفہ دے کر خوش کردیا، جس کی تصاویر سوشل میڈیا پر سامنے آنے کے بعد صارفین کی جانب سے دلچسپ تبصروں کا سلسلہ شروع ہوگیا۔عروسہ خان نے اپنے انسٹاگرام اکاؤنٹ پر شوہر کی جانب سے تحفے میں ملنے والے برگنڈی رنگ کے آئی فون 18 پرو میکس کی تصاویر شیئر کیں اور اس پر خوشی کا اظہار کیا۔اقرار الحسن اور عروسہ خان کا نکاح 24 نومبر 2023 کو ہوا تھا اور دونوں رواں ماہ اپنی شادی کی تیسری سالگرہ منائیں گے۔عروسہ کی جانب سے تحفے کی تصاویر شیئر کیے جانے کے بعد سوشل میڈیا پر مختلف آرا سامنے آئیں۔ متعدد صارفین نے اقرار الحسن کی 3 شادیوں کا حوالہ دیتے ہوئے طنزیہ تبصرے کیے۔ ایک صارف نے سوال کیا کہ کیا وہ اپنی تینوں اہلیہ کو اسی طرح مہنگے تحائف دیتے ہیں؟ بعض افراد نے ان کی دوسری اہلیہ فرح یوسف کا ذکر بھی کیا، جبکہ کچھ صارفین نے عروسہ خان کو قیمتی تحفے کی نمائش کرنے پر تنقید کا نشانہ بنایا۔