لاہور ( سپورٹس ڈیسک) آئی سی سی ویمنز ٹی20 ورلڈ کپ میں غیر تسلی بخش کارکردگی کے بعد پاکستان ویمن کرکٹ ٹیم وطن واپس پہنچ گئی ہے۔پاکستان ویمن ٹیم لندن سے دبئی کے راستے لاہور پہنچی۔واضح رہے کہ ٹی20 ورلڈ کپ میں قومی ویمن ٹیم کی کارکردگی مایوس کن رہی۔ ایونٹ میں پاکستان نے چار میچز کھیلے جن میں بھارت، جنوبی افریقہ اور بنگلہ دیش کے خلاف شکست کا سامنا کرنا پڑا۔ تاہم گروپ مرحلے کے آخری میچ میں پاکستان نے نیدرلینڈز کو 37 رنز سے شکست دی۔یاد رہے کہ ورلڈ کپ سے قبل پاکستان ویمن ٹیم نے آئرلینڈ میں منعقدہ تین ملکی ٹورنامنٹ میں بھی شرکت کی تھی۔
