کراچی ( شو بز ڈیسک)سیشن کورٹ لاہور نے معروف گلوکارہ شازیہ منظور پر مبینہ تشدد کے مقدمے میں نامزد ملزمان کی عبوری ضمانت منظور کر لی ہے۔عدالتی ذرائع کے مطابق ڈیوٹی جج و ایڈیشنل سیشن جج سیف اللہ ہنجرا نے مقدمے میں نامزد ملزمان محمد نعمان اور محمد سہیل اقبال سمیت دیگر کی جانب سے دائر کردہ عبوری ضمانت کی درخواستوں پر سماعت کی۔عدالت نے ابتدائی دلائل سننے کے بعد نامزد ملزمان کی عبوری ضمانت منظور کرتے ہوئے پولیس کو آئندہ سماعت تک ریکارڈ سمیت طلب کر لیا اور کیس کی مزید سماعت ایک ہفتے کے لیے ملتوی کر دی۔ واضح رہے کہ گلوکارہ شازیہ منظور پر تشدد کے الزام میں ملزمان کے خلاف لاہور کے تھانہ ملت پارک میں مقدمہ درج ہے۔