نیویارک (کامرس ڈیسک) آبنائے ہرمز کھولنے کے حوالے سے غیر یقینی صورتحال برقرار رہنے کے باعث عالمی مارکیٹ میں خام تیل کی قیمتوں میں مزید اضافہ ہوگیا۔میڈیا رپورٹس کے مطابق ایشیائی تجارت کے دوران برینٹ خام تیل کی قیمت ایک فیصد سے زیادہ بڑھ کر 84 ڈالر فی بیرل سے تجاوز کرگئی، جبکہ امریکی خام تیل کے نرخ میں بھی ایک فیصد سے زائد اضافہ ریکارڈ کیا گیا۔دنیا کی اہم ترین بحری گزرگاہوں میں شمار ہونے والی آبنائے ہرمز کے مستقبل سے متعلق اب بھی واضح صورتحال سامنے نہیں آسکی۔ایران کا کہنا ہے کہ عمان کے ساتھ نئے بحری راستوں کے تعین سے متعلق معاہدہ حتمی مرحلے میں پہنچ چکا ہے، تاہم امریکا کو اس حوالے سے مزید شرائط پوری کرنا ہوں گی۔
