کراچی( کامرس ڈیسک) پاکستان اسٹاک مارکیٹ میں کاروباری ہفتے کے آخری روز زبردست تیزی دیکھنے میں آئی، جس کے نتیجے میں ہنڈرڈ انڈیکس ایک لاکھ اکہتر ہزار پوائنٹس کی سطح پر بحال ہو گیا۔کاروبار کے دوران مارکیٹ میں مثبت رجحان غالب رہا اور انڈیکس میں انیس سو سے زائد پوائنٹس کا اضافہ ریکارڈ کیا گیا، جس کے بعد یہ ایک لاکھ اکہتر ہزار چھ سو بانوے پوائنٹس کی سطح تک پہنچ گیا۔پہلے ٹریڈنگ سیشن کے اختتام پر بھی مارکیٹ مثبت زون میں بند ہوئی، جہاں ہنڈرڈ انڈیکس ایک ہزار نو سو پچپن پوائنٹس کے اضافے کے ساتھ ایک لاکھ اکہتر ہزار چھ سو انسٹھ پوائنٹس پر بند ہوا۔پہلے سیشن میں مجموعی طور پر پندرہ ارب روپے مالیت کے چالیس کروڑ حصص کا کاروبار ہوا۔ گزشتہ کاروباری دن کے اختتام پر انڈیکس ایک لاکھ انہتر ہزار سات سو تین پوائنٹس پر بند ہوا تھا۔
