واشنگٹن( کامرس ڈیسک) امریکا کے اسٹریٹجک پٹرولیم ذخائر 44 سال کی کم ترین سطح پر آگئے، امریکی محکمہ توانائی کے مطابق گزشتہ ہفتے ذخائر سے مزید 53 لاکھ بیرل خام تیل جاری کیا گیا۔رپورٹ کے مطابق امریکا کے پاس اب 29 کروڑ 34 لاکھ بیرل خام تیل باقی رہ گیا ہے، جو 1982 کے بعد سے ذخائر کی کم ترین سطح ہے۔ایران جنگ اور آبنائے ہرمز کے بحران کے باعث عالمی توانائی مارکیٹ میں استحکام برقرار رکھنے کے لیے امریکا اور بین الاقوامی توانائی ایجنسی کے دیگر رکن ممالک نے مارچ میں ہنگامی طور پر تیل کے ذخائر استعمال کرنے پر اتفاق کیا تھا۔اس فیصلے کے تحت امریکی اسٹریٹجک ذخائر سے مجموعی طور پر 17 کروڑ 20 لاکھ بیرل خام تیل جاری کرنے کی منظوری دی گئی تھی۔
