بیجنگ( بیجنگ) چین نے خلائی تحقیق کے میدان میں اہم کامیابی حاصل کرتے ہوئے پہلی مرتبہ دوبارہ استعمال کے قابل راکٹ کو کامیابی سے زمین پر واپس اتار لیا ہے۔خبر ایجنسی کے مطابق چین نے جنوبی صوبہ ہائنان میں واقع وینچانگ خلائی لانچ مرکز سے لانگ مارچ-10 بی کیریئر راکٹ کامیابی کے ساتھ روانہ کیا۔چینی حکام کے مطابق یہ پہلا موقع ہے جب کسی کیریئر راکٹ کے پہلے مرحلے کی مکمل کنٹرول کے ساتھ واپسی کامیابی سے مکمل کی گئی ہے۔رپورٹ کے مطابق راکٹ کے بوسٹر اور بالائی مرحلے کی علیحدگی کے تقریباً چھ منٹ بعد بوسٹر نے عمودی انداز میں زمین کی جانب واپسی کا سفر شروع کیا اور سمندر میں موجود ایک آف شور پلیٹ فارم پر کامیابی کے ساتھ لینڈ کر گیا۔چین کی اس کامیابی کو خلائی ٹیکنالوجی میں اہم پیش رفت قرار دیا جا رہا ہے، کیونکہ دوبارہ استعمال کے قابل راکٹ خلائی مشنز کے اخراجات کم کرنے اور مستقبل کی خلائی سرگرمیوں کو مزید مؤثر بنانے میں مددگار ثابت ہو سکتے ہیں۔
