نیویارک( ویب ڈیسک) ٹیکنالوجی کمپنی میٹا نے صارفین کی شدید تنقید اور رازداری سے متعلق خدشات کے بعد اپنے مصنوعی ذہانت پر مبنی تصویر سازی کے فیچر "میوز امیج" کو متعارف کرانے کے چند ہی دن بعد واپس لینے کا اعلان کر دیا۔یہ فیچر گزشتہ ہفتے میٹا نے اپنے اے آئی اسسٹنٹ میٹا اے آئی کے ذریعے متعارف کرایا تھا۔ یہ کمپنی کا پہلا عوامی امیج جنریشن ماڈل تھا، جسے عام صارفین کے لیے دستیاب کیا گیا تھا۔دیگر مصنوعی ذہانت پر مبنی تصویر سازی کے ٹولز کے برعکس میوز امیج عوامی انسٹاگرام اکاؤنٹس پر موجود تصاویر کو بطور حوالہ استعمال کرتے ہوئے نئی تصاویر تیار کرتا تھا، جس پر صارفین نے ذاتی معلومات اور رازداری کے تحفظ سے متعلق شدید تحفظات کا اظہار کیا۔بڑھتی ہوئی تنقید کے بعد میٹا نے فیچر واپس لینے کا فیصلہ کرتے ہوئے کہا کہ اس کا مقصد صارفین کو ایک مؤثر تخلیقی ٹول فراہم کرنا اور انہیں یہ اختیار دینا تھا کہ آیا ان کا عوامی مواد اس مقصد کے لیے استعمال کیا جا سکتا ہے یا نہیں۔کمپنی نے اپنے بیان میں کہا کہ صارفین کی آراء کو مدنظر رکھتے ہوئے یہ محسوس کیا گیا کہ یہ فیچر ان کی توقعات پر پورا نہیں اتر سکا، اسی لیے فی الحال اسے بند کر دیا گیا ہے۔
