میکسیکو، انگلینڈ میچ امریکا میں سب سے زیادہ دیکھا جانے والا فٹبال مقابلہ بن گیا

میکسیکو( سپورٹس ڈیسک)فیفا ورلڈکپ 2026 میں میکسیکو اور انگلینڈ کے درمیان کھیلا گیا راؤنڈ آف 16 کا دلچسپ مقابلہ امریکا کی ٹیلی وژن تاریخ میں سب سے زیادہ دیکھا جانے والا فٹبال میچ بن گیا۔ابتدائی اعداد و شمار کے مطابق اس میچ کو امریکا میں مجموعی طور پر 4 کروڑ 48 لاکھ افراد نے دیکھا، جس کے بعد اس نے امریکا اور بیلجیم کے درمیان کھیلے گئے میچ کا سابقہ ریکارڈ توڑ دیا، جسے تقریباً 4 کروڑ 20 لاکھ ناظرین نے دیکھا تھا۔رپورٹس کے مطابق میکسیکو اور انگلینڈ کے درمیان ہونے والے اس مقابلے کو ٹیلیموندو پر 2 کروڑ 32 لاکھ جبکہ فاکس ٹی وی پر 2 کروڑ 17 لاکھ 42 ہزار افراد نے دیکھا۔اس طرح یہ میچ امریکا میں فٹبال کی بڑھتی ہوئی مقبولیت اور ورلڈکپ کے لیے شائقین کی غیر معمولی دلچسپی کا نیا ثبوت بن گیا ہے۔