لاہور( شوبز ڈیسک)پاکستانی کرکٹر عماد وسیم کی اہلیہ نائلہ راجہ نے کہا ہے کہ اگر دو افراد کا ساتھ رہنا مقدر میں نہ ہو تو وہ بالآخر ایک دوسرے سے الگ ہو ہی جاتے ہیں۔نائلہ راجہ اس وقت خبروں کی زینت بنیں جب سوشل میڈیا پر ان اور عماد وسیم کے تعلق سے متعلق مختلف قیاس آرائیاں سامنے آئیں۔ اس دوران متعدد دعوے کیے گئے، تاہم دونوں کی جانب سے ان خبروں کی تردید کی گئی تھی۔ بعد ازاں عماد وسیم نے اپنی پہلی اہلیہ سے علیحدگی اختیار کی اور نائلہ راجہ سے شادی کر لی۔اس معاملے کے بعد سے سوشل میڈیا پر اس جوڑی کو اکثر تنقید کا سامنا رہتا ہے۔نائلہ راجہ اپنے شوہر عماد وسیم کے ساتھ خوشگوار لمحات کی تصاویر اور ویڈیوز سماجی رابطوں کی ویب سائٹس پر شیئر کرتی رہتی ہیں، تاہم ان کی متعدد پوسٹس پر صارفین کی جانب سے تنقیدی تبصرے بھی کیے جاتے ہیں۔حال ہی میں ایک صارف کے تبصرے کا جواب دیتے ہوئے نائلہ راجہ نے کہا کہ اگر دو افراد کا ساتھ رہنا ان کے مقدر میں نہ ہو تو وہ کسی نہ کسی مرحلے پر الگ ہو جاتے ہیں اور اس کا ذمہ دار کسی ایک فرد کو قرار نہیں دیا جا سکتا۔
