پاکستان ہاکی ٹیم نے جنوبی افریقا کو ہرا کر عالمی کپ میں 11ویں پوزیشن حاصل کرلی

ایمسٹلوین( سپورٹس ڈیسک) چار مرتبہ کی عالمی چیمپئن پاکستان ہاکی ٹیم نے جنوبی افریقا کو پنالٹی شوٹ آؤٹ میں شکست دے کر عالمی کپ میں اپنی مہم 11ویں پوزیشن پر مکمل کرلی۔11ویں پوزیشن کے میچ میں جنوبی افریقا نے ابتدا ہی میں دباؤ بڑھاتے ہوئے پہلے کوارٹر میں گول کیا، جبکہ دوسرے کوارٹر میں مزید ایک گول داغ کر 2-0 کی برتری حاصل کرلی۔پاکستان نے شاندار واپسی کرتے ہوئے پہلے افراز اور پھر محمد حماد کے گول کی بدولت مقابلہ برابر کردیا۔ وقفے تک دونوں ٹیمیں 2-2 سے برابر تھیں۔تیسرے کوارٹر کے آغاز میں کپتان رانا وحید نے گول کرکے پاکستان کو دوبارہ برتری دلائی، تاہم آٹھ منٹ بعد جنوبی افریقا نے گول کرکے اسکور 3-3 کردیا۔مقابلے کے آخری مرحلے میں جنوبی افریقا نے پنالٹی اسٹروک پر گول کرکے 4-3 کی برتری حاصل کی، لیکن میچ کے آخری سیکنڈز میں حماد الدین نے گیند جال میں پہنچا کر مقابلہ 4-4 سے برابر کردیا۔میچ کا فیصلہ پنالٹی شوٹ آؤٹ پر ہوا، جہاں پاکستان نے 3-4 سے کامیابی حاصل کرکے عالمی کپ میں 11ویں پوزیشن حاصل کرلی۔پاکستان نے عالمی کپ میں مجموعی طور پر 6 میچ کھیلے، جن میں 2 میں کامیابی حاصل کی، 3 میں شکست ہوئی جبکہ ایک مقابلہ برابر رہا۔