ہائیکو( سپورٹس ڈیسک) ایشین انڈر 18 والی بال چیمپئن شپ میں پاکستان نے شاندار کارکردگی کا مظاہرہ کرتے ہوئے مسلسل دوسری کامیابی حاصل کر لی ہے۔گروپ مرحلے کے دوسرے میچ میں پاکستان نے قازقستان کو یک طرفہ مقابلے کے بعد 0-3 سے شکست دی۔پاکستانی ٹیم نے تینوں سیٹس میں بہترین کھیل پیش کرتے ہوئے قازقستان کو 14-25، 12-25 اور 9-25 کے اسکور سے مات دی۔مسلسل دو گروپ میچز میں کامیابی کے بعد پاکستان نے ایونٹ کے کوارٹر فائنل مرحلے میں اپنی جگہ یقینی بنا لی ہے۔ایشین انڈر 18 والی بال چیمپئن شپ میں پاکستان اپنا اگلا گروپ میچ کل تھائی لینڈ کے خلاف کھیلے گا۔
